Совети за исхрана за силна и здрава коса, како да ја подобрите дигестијата на храната, нутривни и здравствени придобивки на доматите.

Денес ви помагаме да дознаете

1.  Совети за исхрана за силна и здрава коса!

2. Како да ја подобрите дигестијата на храната?

3. Нутритивни и здравствени придобивки на доматите?

Совети за исхрана за силна и здрава коса!

Постојат повеќе фактори, како штетни надворешни влијанија, хормонален дисбаланс, недостаток на нутриенти и други, кои влијаат на опаѓањето на косата. Кога е во прашање исхраната, следниве совети ќе ви помогнат да ги елиминирате токсичните елементи и да ги внесете сите важни нутриенти кои ќе помогнат вашата коса да биде цврста, сјајна и здрава:

– Отстранете ги шеќерите и целата процесирана храна од вашата исхрана;

– Зголемете го внесот на антиоксиданси (овошја и зеленчуци во живи бои);

– Консумирајте храна богата со биотин (витамин Х). Алкохолот, рафинираниот шеќер, белката од јајцето и антибиотиците може да влијаат врз апсорпцијата на биотинот и да го намалат неговото ниво во организмот. Одлични извори на биотин се јатките, мешунките, месото, млекото и јајцата (кои треба да се консумираат цели!);

– Подобрете ја дигестијата на протеините (зголемете ја продукцијата на желудечна киселина со консумирање јаболков оцет, вода со лимон, ѓумбир и ферментирана храна);

 – Консумирајте лесно апсорбливи, целосни протеини како органски јајца, супа од коски, протеини од грашок, семки од тиква и коноп;

– Внесете повеќе колаген во исхраната (со консумација на супа од коски,

внатрешните органи, додатоци  на исхраната на база на колаген, како и кромид, зелка, брокула и карфиол);

– Внесете  повеќе цинк во исхраната (редовно јадете морски плодови, јајца и семки од тиква и од сончоглед);

– Внесете повеќе силикати во исхраната (редовно јадете краставица, целер, пиперки бабури и никулци);

– Намалете го внесот на фитати (секогаш киснете ги житарките, мешунките, јатките и семињата). Фитатите ја блокираат апсорпцијата на цинк и други минерали); и

– Додадете повеќе добри масти во исхраната (авокадо, маслиново и кокосово масло, и др.).

Како да ја подобрите дигестијата на храната?

Правилната и целосна дигестија е важна како за оптималната апсорпција и искористеност на нутриентите од храната, потребни за сите метаболни функции, така и за подобра регулација на метаболизмот на масти, шеќери, за регулирање на тежината, редовното празнење на цревата и спречување на развој на воспаленија и инфекции предизвикани од патогени микроорганизми. Затоа, за да ја подобрите дигетсијата на храна применувајте ги следните совети:

– Темелно џвакајте ја храната (механичката дигестија на храната ја помага севкупната дигестија, со што игра улога во нејзината билошка достапност и со тоа и продукцијата на енергија, а воедно со џвакањето се активира сигнализацијата и секрецијата на ензими неопходни за следните фази од дигестијата на храната долж дигестивниот тракт);

– Конзумирајте повеќе свежо, сурово овошје и зеленчук, како и природно ферментирана храна (овие видови храна содржат ензими кои ја

подобруваат дигестијата). На пример, ананасот и кивито содржат

бромелаин и актинидин кои ја помагаат дигестијата на протеините,

авокадото содржи липаза потребна за дигестијата на мастите, кајсиите

содржат инвертаза потребна за дигестијата на јаглехидратите итн.;

– Избегнувајте храна која содржи анти-ензими (храна како што се

житарките и мешунките кои можат да ја инхибираат работата на

дигестивните ензими и апсорбцијата на храната);

– Трудете се да не пиете вода или течности за време на оброците. Неколку голтки вода , за плакнење на устата во тек или на крај на оброкот се во ред, но поголемата количина течност ќе ги разреди желудочните сокови и ќе ја отежни дигестијата во желудникот. Слободно консумирајте течности барем 1-1,5 часа по оброкот;

– Доколку имате прпблеми со дигестијата, земете додаток на исхраната со широк спектар дигестивни ензими (да содржи пепсин, HCl како и панкреатични ензими протеази, липаза и амилаза, потребни за целосна дигестија на протеините, мастите и јаглехидратите соодветно).

Нутритивни и здравствени придобивки на доматите!

Доматите се одличен извор на витамин Ц, калиум и манган. Содржат и помали количини на витамините Б1, Б3, Б6 и Б9, К и Е, како и минералите железо, калциум, фосфор, магнезиум и цинк. Иако имаат широк спектар на витамини и минерали во својот состав, главните нутритивни и здравствени придобивки на доматите произлегуваат од содржината на антиоксиданси, каротеноиди, како алфа и бета каротен, лутеин, зеаксантин и во најголема мера ликопен. Ваквото богатство на антиоксиданси ги прави доматите одличен избор на храна која го спречува оксидативниот стрес на организмот, го спречува развојот на малигните болести и оштетувањата и болестите на кардиоваскуларниот систем. Внесот на домати исто така дава подршка за здравјето на очите, бубрезите, имунитетот, белите дробови, кожата, коските и зглобовите. Интересно е да се истакне дека при термичка обработка, концентрацијата на ликопен во доматите значително се зголемува. Но, поради присуството на одредени специфични хемиски компоненти доматите можат да бидат проблематични за лица склони кон алергииски и воспалителни реакции, пред се како последица на автоимуни состојби.

НИЕ СЕ ГРИЖИМЕ ЗА ВАС

Со почит,

Сашко Дрвошански и     

Напишете коментар